اماكن القطع في تصوير البورتريه

دليل توضيحي للأوضاع المقبولة لقطع الصورة  ( crop ) في  البورتريه ( الصور الشخصية ) ويشار لها بالخطوط الخضراء , و الأوضاع غير المقبولة والتي تسبب تشوهاً في الصورة ملونة بالأحمر .

زوايا اساسيه في تصوير البورتريه

هل تعرف ان هناك 3 زوايا اساسيه في تصوير البورتريه و كل واحده منهم يكون ليها تأثير معين في الصوره .. و من الضروري قبل التصور تحدد انهي زاويه تناسبه اكتر؟

اولا : زاويه هي الزاويه العاليه :
الزاويه العاليه تكون فوق عين الشخص و نتائجها  صور ممتازه و خاصة لأنها تبين ان الوجه و الرقبه انحف بكثير و تحدد شكل الوجه من اسف  .. لكن كن حريصا على ارتفاع الكاميره حتى تكون الصوره مناسبة .

تانيا:  زاويه هي مستوي العين:
هى تعتبر الزاويه المثاليه في معظم الحالات، و لو استخدمت اضاءه جيدة تكون  النتيجه جيدة في النهايه لكن  كن حريصا على  ارتفاع الكاميرا لانه يحدد اذا كانت الصوره ناجة او لأ، و من الممكن ان تستخدم الشاشه  لتتأكد من ارتفاع الكاميرا المناسب
و فى حاله انك  اقصر من الشخص الذي  تقوم بتصوره يكون من  الأفضل انك تقف علي اي شيء حتى تمكنك من ان  توصل للارتفاع المناسب .

ثالثا :  الزاويه السفليه
ميعنا يعلم انك عندما تستخدم زاوية" السفليه" اقل من مستوى الشخص  تكون الصوره غير مناسبة  لكن  من الممكن ان تستغل الزاويه  في انك تضيف تأثير معين في الصوره و هي انك تظهر ان الشخص مهم و يمكن ان تستخدمها و انت تصور مدير شركه.

تصوير الماكرو بالعدسة المقلوبة

الفرق فى التصوير بين JPG Vs RAW

امتي هتحتاج تستخدم ترايبود

الترايبود من اكسسوارات الكاميرا المهمه علشان تحصل علي صوره حاده، لكن مش هتحتاج تستخدم ترايبود في كل انواع التصوير...

قاعدة عامه:

لازم تستخدم ترايبود لو هاتصور بسرعة شاتر قليله – و دي ممكن تعرفها بأنك تقسم 1 ثانيه علي البعد البؤري الفعلي للعدسه

مثال: عدسه 100 مم علي كاميرا كانون (APS-C) البعد البؤري الفعلي للعدسه هايكون 160 مم – اقل سرعة شاتر ممكن تستخدمها بأمان هي 1/160 و أكيد مانع الاهتزاز الموجود في العدسه هيساعدك

كاميرات ال (High Resolution):

لو عايز تستغل الكاميرات دي أفضل استغلال يبقي لازم تستخدم ترايبود علشان تحصل علي صور حاده، ممكن تثبت سرعة الشاتر علي 1/125 ثانيه و لو هتستخدم ترايبود يفضل انك تقفل المرآة علشان تتفادي اي اهتزاز بسيط ممكن يحصل أثناء حركتها

تصوير اللاند سكيب:

لازم تستخدم ترايبود أثناء التصوير علشان تحصل علي الحده و تستخدم فتحة عدسه صغيره علشان تظهر المقدمه و الخلفيه

تصوير الماكرو:

الترايبود عنصر هام اثناء تصوير الماكرو حتي عند استخدام فتحة عدسه ضيقه

عند استخدام ال (Live view):

لما تكون بتضبط تكوين الصوره علي شاشة الكاميرا يفضل انك تثبت الكاميرا علي ترايبود

تصوير البورتريه:

معظم المصورين بيحتاجوا يثبتوا الكاميرا علي الترايبود اثناء تصوير البورتريه علشان دا بيديهم الفرصه انهم يتحركوا بسهوله لضبط الاضاءه او وضع الشخص اللي بيتصور

تصوير المواضيع المتحركة:

لو بتصور موضوع متحرك حاول متستخدمش ترايبود لأنك هتحتاج تحرك الكاميرا و ممكن الترايبود يقيد حركتك، لكن ممكن تستخدم بداله المونوبود و خاصه لو العدسه وزنها ثقيل

استخدام الفلاش:

لو كنت بتستخدم الفلاش كمصدر للضوء يبقي مش محتاج تستخدم ترايبود

تصوير الشارع:

لما تكون بتصور في الشارع انت محتاج تتحرك بسرعه و تكون مش ملفت للنظر و لو هتستخدم سرعة شاتر قليله ممكن تعلي الايزو او تحاول تثبت الكاميرا

زاوية الاضائة

علشان تتعلم اضاءه صح لازم تكون فاهم اساسيات الاضاءه صح، و من اول اساسيات الاضاءه اللى هتتعلمها هى ال

Standard Three Point Lighting و دى اساسيات اضاءه اى شخص ممكن تصوره، اول مصدر اضاءه هو ال main light و دا بيبقى مفتاح اضاءه الصوره، نيجى لتانى جزء هو ال fill light و دا وظيفته انه يملى اماكن الظل فى الصوره، آخر حاجه هو ال back light دا ممكن يبقى ليه شكلين اول شكل ليه انه يكون متوجه ناحيه الخلفيه علشان ينورها وتانى شكل هو اللى بيبقى متوجه ناحيه الشخص هنا بيبقى وظيفته انه يفصل الشخص عن الخلفيه، كل دى اساسيات اضاءه ممكن تلعب فيها و تغيرها من حيث العدد و الاشكال، بس علشان يبقى عندك المهاره فى الاضاءه و تكوين setups مميزه لازم تكون عندك المعرفه بالاساسيات...

محتويات العدسه

انواع العدسات

تقسم العدسات إلى نوعين أساسيين في شكل عام:
الأول: عدسات زوم (Zoom lens) وهي عدسات تتميز بالمرونة وتتمتع بمجال واسع من البعد البؤري ، وهي تأتي بأطوال بؤرية مختلفة مثل 18_55mm و 75_200mm و 24_105mm، ويمكن تغير البعد البؤري من خلال العدسة من دون تغير موقع الكاميرا.
الثاني: عدسات ثابتة (Prim Lens) وهي عدسات ذات بعد بؤري ثابت، حيث لا يمكن تغير قيمت البعد البؤري للعدسة. ومنها: 50mm و 105mm.

نطلق على المسافة بين نقطة تجمع الأشعة الضوئية )البؤرة ( ومنتصف العدسة بالبعد البؤري للعدسة . focal length ويعبر عن البعد البؤري للعدسة برقم محدد (20mm - 35mm - 55mm – 200mm) وكلما زاد البعد البؤري للعدسة صغرت الزاوية التي تغطيها العدسة وهذا مايعرف بزاوية الرؤية -Angel Of View- . فعدسة بعدها البؤري 200mm تغطي زاوية رؤية أقل من عدسة بعدها البؤري 50mm. وهكذا...

أنواع العدسات:
العدسة القياسية: هي عدسة تماثل عين الإنسان في مجال الرؤية بزاوية قدرها 46 درجة ، وسميت عدسة قياسية لأننا نصنف باقي العدسات مقارنة بها ، فما كانت زاويته أكبر من 46 درجة صنفت بأنها عدسة مقربة(Zoom Lens) وكل ما كانت زاويته أقل من 46 درجة صنفت بأنها عدسة واسعة الزاوية(Wide Lens) ، والعدسة القياسية هي عدسة ينصح باقتنائها ، فهي رخيصة الثمن بفتحات ممتازة ( f1.4 - f1.8 - f2.8 ) وتعطي نتائج جيدة في تصوير الأشخاص والطبيعة الصامتة .ومن أشهر هذه العدسات عدسة 50mm prim.

العدسات ذات الزاوية الواسعة: (Wide Angle Lens)
وهي عدسات تغطي مساحة كبيرة من المنظر بزوايا تزيد عن 46 درجة ، وهي عدسات بأبعاد بؤرية مختلفة مثل 16mm 18mm) (20mm – 24mm – 35mm، وغالبا ما تستخدم هذه العدسات في تصوير المناظر الطبيعية، وتصوير المباني .

العدسات المقربة : (Telephoto Lens)
عدسات مقربة للمنظر بزوايا تقل عن 46 درجة ، وهي تأتي بأطوال بؤرية مختلفة مثل (300mm 400mm 600mm) و تستخدم في تصوير الأجسام البعيدة كتصوير الطيور والحيوانات البرية بالإضافة لتصوير الفعاليات الرياضية المختلفة.

عدسات الماكرو: (Macro Lens)
وهي تأتي بأطوال بؤرية مختلفة مثل (60mm 90mm 150mm) تستخدم في تصوير الأجسام الصغيرة المراد تكبيرها كالحشرات وغيرها.

عدسات الزووم: (Zoom Lens)
وتستخدم في أغراض مختلفة كتصويرالحياة اليومية والمناسبات، وتصوير المناظر الطبيعية والمباني والطيور والحيوانات بحسب مداها.

عدسة عين السمكة (Fish Eye Lens):
وهي عدسة تماثل عين السمكة في مجال الرؤية بزاوية قدرها 180 درجة ، واستخدام هذه العدسة يؤدي الى تحدب الخطوط وانحنائها وتستخدم في التصوير في الأماكن الضيقة أو لإضافة لمسة فنية على المشهد الفوتوغرافي ، ولكن لاينصح باستخدامها في التصوير المعماري لأنها تشوه المنظور وتحني الأعمدة والجدران .

عدسات التيلت شيفت – Tilt Shift Lenses

عدسات خاصة تناسب أنواع محددة جداً من التصوير، هذه العدسات (تعتبر قليلة و محدودة) تقوم بعمل ميلان للعدسة مختلف عن الحساس لتحقيق فوكس مناسب للعنصر المراد تصويره. بالتصوير بالعدسة الأساسية خط الفوكس focal plane لن يغطي المبنى بنفس ميلانه، لكن باستخدام العدسة التيلت شيفت، خط الفوكس يكون مماثل لميلان المبنى عدسات التيلت شيفت، مخصصة بشكل كبير لتصوير المباني وإعطائها الفوكس المناسب.

الظل اثناء التصوير

ايه هو الظل فى التصوير و ايه تأثيره؟
الظل فى اى صوره بيبقى الاماكن اللى موصلش ليها ضوء، قوته بتختلف حسب نوع الاضاءه، يعنى لو كنت بتستخدم اضاءه حاده فى الصوره دا هيخلي في مناطق ظل قويه، و كل ما زادت حده الضوء بيزيد قوه الظل،،، اما الاضاءه الناعمه بتخلي في مناطق ظل خفيفه جدا ،،،
مناطق الظل فى اى صوره مبتقلش اهميه عن مناطق النور علشان هى بتخلق جو معين فى اى صوره، حسب زاويه الاضاءه و كمان نوعها، هنا انا بتحكم فى الموضوع دا حسب التأثير اللى عايز اوصله لاى حد هيشوف الصوره...
يعنى مثلا الإضاءة من زاوية منخفضة Low Angle بتدى شعور بالشر؛ و الإضاءه الجانبية بتوصل شعورا بالقوة؛ أما بقى الإضاءه الأماميه فبتدى شعورا بالجمال و دى بتبقى اماكن الظل فى الموضوع قليله جدا و ممكن ميكونش فى ظل تماما، و بتدى الإضاءه الخلفيه احساس بالسحر و الإبهار....
مهاره اى مصور بتبقى فى انه يخلى مناطق الظل فى الصوره عنصر ايجابى وتخدم الفكره اللى عايز يوصلها، ودا بيبقى عن طريق زوايا الاضاءه وكمان نوعها.